Velkomen til UKM i Gulen. I år samarbeidar vi med Masfjorden om workshops. Det blir:

Graffiti saman med Susan Norman. Denne workshopen blir delt i to delar. Del 1 er søndag 28.januar, kl 12-15, på Dalsøyra samfunnshus. Her skal ein førebu seg til del 2 ved å lage sjablongar. Del 2 skal ein bruke sjablongane til  å dekorere og spraymale på uteområder/mur. Denne delen blir seinare i vår, når det er varmare i veret. Dato kjem vi tilbake til. 

Dans saman med Irmelin Gripsgård. Denne workshopen blir over to dagar. Fredag 9.februar kl 17.30-19.00 på Dalsøyra samfunnshus og laurdag 10.februar kl. 12.00- 13.30 på Nordbygda skule.

Band saman med Jon Martin Skauge og fleire. Dette blir 17.februar, kl 10:15-16.30 på Nordbygda skule. Her kan ein få lære gitar, bassgitar, slagverk, tangent og song. Ein lærer samspel og spelar tøffe låtar. Ta med eige instrument og forsterkar om du har.
Ved påmelding er det viktig at du oppgir alder og kva instrument du ynskjer å lære og om du er nybyrjar eller vidarekomen (eller noko midt i mellom!). 

Alle workshops er gratis! Aldersgrense er 10-18 år. 

Du kan bli med så mange workshops som du vil! Du treng ingen forkunnskap for å vere med på workshopane – så lenge du har lyst er du hjarteleg velkomen! Meir informasjon om dagsplan og diverse får du når det nærmar seg. 

Påmeldingsfrist til workshopane er 25.januar. Det gjer du ved å klikke på workshop (-ane) du ynskjer å delta på til høgre på denne sida. 

Dersom du har spørsmål eller treng hjelp med påmelding, ta kontakt med Frank Kvinge (97071230) eller Vivian Våge (92622607).

Sjølve lokalmønstringa for UKM blir på eit seinare tidspunkt. Vi kjem tilbake til dato og meir informasjon!