Fagpanel

Vi har to fagpanel under årets festival, eit for scene og eit for utstilling. Det er stor breidde i kompetansen til dei sju som sit i årets fagpanel. Jobben deira er å plukke ut dei som skal representere Sogn og Fjordane under årets landsfestival som er i Stjørdal, 24. – 28. juni 2019.

 

Utstilling

 

Gerd Endestad

Gerd Endestad er født i 1960 og er oppvaksen i Rimstaddalen ved Bryggja i Nordfjord. Ho er utdanna biletkunstnar frå Kunsthøgskulen i Oslo og Bergen. Som biletkunstnar arbeidar ho med skulptur, tresnitt, fotografi og installasjon.

Ho har bygd opp «Kunsthuset i Rimstaddalen» som er hennar arbeidsstad. Der held ho jamnleg kurs for vaksne i teikning og maling, og dei siste åra også modellering i leire. Ho har vore lærar for Visuelle Kunstfag for Vågsøy Kulturskule 1999-2018. Ho har òg jobba med visuelle kunstopplegg for DKS og fordjupning for kulturskuleelevar i fylket. I tillegg har ho jobba som kunstkonsulent for Kunst i offentlig rom (KORO), mellom anna konsulentoppdrag på Operahuset på Eid, Trivselhagen på Sandane og Høgskulen i Sogndal.  Ho har hatt- og har verv i styret og juryar for Biletkunstnarane i Sogn og Fjordane (BKSF). No undervisar ho i Kunst og Handverk på Vågsøy Ungdomsskole.

 

 

 

Tommy Bredesen

Tommy Bredesen er fødd og oppvaksen i Florø, og undervisar i Kunst og handverk ved Vågsøy Ungdomsskole.
Tommy har kunstutdanning fra mellom anna Einar Granum Kunstfagskole i Oslo og Staffordshire University i England. Tommy har hatt fleire utstillingar både i inn- og utland og har også vore Operautstiller på Nordfjordeid.

«Innanfor maleriet jobbar eg med stort spenn frå det heilt figurative til det abstrakte, der eg ofte eksperimenterer med ulike materialar og overflatar som t.d. aske og jord. Fotografia mine er ofte i skuggelandet mellom dokumentar og kunst», fortel Tommy om seg sjølv.

Tommy har vunne fleire fotokonkurransar nasjonalt og internasjonalt.

 

 

 

Scene

 

Felicia Goll-Rasmussen

Felicia Goll-Rasmussen (28) kjem frå Måløy og har Bachelor i Dans med pedagogikk fra Norges Dansehøyskole med fordjupning i jazzdans. Felicia har også praktisk-pedagogisk utdanning i dans frå Universitetet i Stavanger og har undervist i mange ulike stilartar både i Oslo og Stavanger. Felicia starta med dans i tenåra, ved C-Studio i Måløy og har deltatt på UKM mange gongar. No jobbar Felicia ved Ørsta og Volda Ballettskule som dansepedagog i Jazzdans og hiphop. Ho har jobba mykje med undervisning, kurs/workshops og er med på ulike danseoppdrag sjølv.

 

 

 

 

Line Dybedal

Line Dybedal har drive som musikar i 11 år. Ho spelte i The Pink Robots som vant urørt i 2010 og har turnert i inn- og utland med ulike band. For tre år sidan gav ho ut sitt fyrste soloalbum som fekk flotte kritikkar. I april 2019 kjem soloalbum nr 2.  Line dirigera korps og kor og har jobba som organist, frilansmusikar og kapellmeister. Ho har óg skrive musikken til NRK Super sin barnetv-serie «Bli med heim».

 

 

 

 

Thomas S. Øvstedal

Thomas Synnevåg Øvstedal (36) har vore vokalist i det Sogn og Fjordane-baserte bandet Cor Scorpii sidan oppstarten i 2004. Bandet har gitt ut to album (Monument 2008, Ruin 2018) som begge har hausta lovord og akklamasjon frå både publikum og musikkjournalistar, nasjonalt som internasjonalt. Cor Scorpii operera innan sjangeren ekstremmetall, ein sjanger som er kjent for fokus på tekst og sitt høge tempo, doble basstrommer og gitarar i fleirtal. Thomas står ansvarleg for det meste av tekst på begge platene bandet har gitt ut. Det store fleirtalet av songtekstar er skrivne på nynorsk.
Etter fleire år i Bergen flytta han heim til Svelgen i Bremanger kommune i 2012. Her tok han initiativ til å starte opp att Svelgen Rockklubb som hadde vore i dvale i omtrent 15 år. I tillegg er han styremedlem i Brak, som er eit kompetansesenter for alle som driv med musikk i Hordaland og Sogn og Fjordane.
Cor Scorpii har spelt konsertar i både inn- og utland, men dei fleste av dagane i året er Thomas likevel i arbeid som lærar og inspektør ved skulen i Svelgen.

 

 

 

 

Ivan Smilovski

Ivan Smilovski er utdanna som utøvande musikar frå Griegakademiet i Bergen, med cello som hovudinstrument. Han har undervist i cello, fiolin og piano på fleire kulturskuler og private musikkskuler i både Norge og USA. Han er i dag tilsett som piano- og strykelærar i Vågsøy og Hornindal kulturskular. Som aktiv utøvar har Ivan jobba som frilansar i bergensområdet, Kristiansund og ved Opera Nordfjord.

 

 

 

 

Andrea Santiago Stønjum

Andrea Santiago Stønjum er 17 år og kjem fra Måløy. Andrea har sunge so lenge ho kan hugse og begynte med sangundervisning som åtteåring. Som tiåring deltok ho på UKM for fyrste gong og var med fem år på rad og gikk vidare alle gongane. Andrea er kanskje aller mest kjent for å ha nådd heilt opp til andreplass i The Voice 2017. Etter dette har ho opptredd på ulike scener mellom anna med kjende artistar. Andrea går no andre året på studiespesialisering på Måløy videregående skule og driv med musikk ved sidan av.