Velkomen til UKM BYKLE & VALLE 2025!

UKM 2025 nærmar seg fort, med sceneshow og kunst frå Valle og Bykle. Vi gler oss til å ta i mot alle saman på Hovden grendehus 7.-8.mars og sjå kva fantastiske barn og ungdomar kjem med i år! 

Er du mellom 10 og 20 år, BLI MED! Temaet for UKM i år er HIP HOP/street art. Dette betyr ikkje at det du melder deg på med må vere innaføre dette temaet, men arrangementet vil vere prega av det! 🙂   

Påmeldingsfrist:  16. februar.

UKM SCENE: 

Fredag 7.mars:  Tekniske prøver sceneinnslag ettermiddag og kveld for deltakarar frå Bykle,

Laurdag 8.mars: Frå kl. 12: Tekniske prøver sceneinnslag Valle.
                             Frå kl. 1530: Konsert med sceneinnslag.
Alle er hjarteleg velkomne til ei fantastisk oppleving! 

UKM KUNST: Vi håpar at det kjem inn mange bidrag  til kunstutstillinga som vi skal ha på Hovden grendehus i foajeen laurdag 8.mars.

Innleveringsfrist kunst 3. mars. Du leverer til ungdomsarbeidar Eliezer, men hugs at du også må melde deg på i deltakarsystemet seinast 16.februar. Du må levere kunsten ferdig innramma (gjerne med passepartout) ferdig til å henge opp/stille ut.

 UNG ARRANGØR:  Har du lyst til å bidra til å byggje opp UKM?  Jobbe med arrangementet, vere med og bestemme tema, og planleggje korleis ting skal gjerast? Liker du å ta bilete, er du ei journalistspire, ønskjer du å lære meir om om prosessane rundt eit arrangement, ønskjer du å vere aktivitetsleiar, motivator? Vi har mange mogelegheiter å tilby deg! ?  Meld deg på som ung arrangør, og bli ein del av denne fine gjengen, her er det plass til deg! Meld deg på til Eliezer på tlf. 480 72 46216. februar.

 MELD DEG PÅ så skal vi lage tidenes festival! SAMAN ER VI GODE!