Workshops 🧵🎭🎮🎨

Søndag 4. oktober er det lydprøve og workshop på same tidspunkt. Dersom du skal på lydprøve, må du prioritere den.. Det er fleire ulike workshops, men workshopen går to gongar på rad / kl. 09:30 – 12:00 / kl. 14:30 – 17:00. Du treng ingen forkunnskap for å bli med på workshopen! Berre bli med 🤍 Påmeldingslister finn du i UKM-lokalet på Hareid 🤍

🎛️🎹Musikkproduksjon🎹🎛️

Svenning Veiseth skal halde workshop i musikkproduksjon. Han er ein profesjonell pianist og musikkprodusent med base i Oslo, med røttene sine i Brandal i Hareid kommune. Han har produsert musikk utgitt av plateselskap som Universal Music & Sony Music, og med dette hatt musikk på dei største radiokanalene i Noreg. Dei siste åra har han turnért med Ramón med høgdepunkt som t.d. utsolgt Oslo Spektrum. Han er produsent for artistar som Zimmermann, AUGUST, Emily Hammer og slapp tidlegare i år si første låt med Ramón som gjekk rett inn på topplistene i Noreg. Han har mykje erfaring med undervisning, og gledar seg stort til å ha kurs i musikkproduksjon for alle UKM-arane på Hareid.
Workshopen er i eit klasserom på Hareid ungdomsskule.

• søndag kl. 09:30 – 12:00

• søndag kl. 14:30 – 12:00

📸Fotoworkshop / workshop i scenefoto📸

Georgi Nikolov skal halde workshop i scenefoto. Han er ein erfaren fotograf, som blant anna har vore fotograf for Jugendfest i Ålesund. Georgi har tidlegare holdt workshop i foto for UKM i Ålesund. Dette var til stor suksess for kommunen og ungdomane. Ta med deg eige kamera, dersom du har stor interesse for foto. Elles har vi rundt 5 kamera til utlån. Sjekk ut IG til Georgi: https://www.instagram.com/p/DNoLMnciVvW/?utm_source=ig_web_copy_link&igsh=MzRlODBiNWFlZA==
Workshopen er i Hareidhallen, der det er lydprøver og framsyningar.

• søndag kl. 09:30 – 12:00 (vi håper også at du vil ta bilder på framsyning 2, kl. 13:00 – 14:30)

• søndag kl. 14:30 – 17:00 (vi håper også at du vil ta bilder på framsyning 3, kl. 19:00 – 20:30)

🧵Redesign🧵

Marion Øvrelid skal halde workshop i redesign. Ho er skaparen bak Saumrom Systue som ligg i hjertet av Ulsteinvik. Ho driv med redesign/omsaum, reprasjon og søm av klede, vesker, og mykje meir. Ho har skapt seg sin eigen arbeidsplass, og stortrivest med dette. Ho held mykje kurs og lærer bort det ho sjølv kan, elsker redesign fordi det er ein miljøvenleg måte å ta vare på dei tinga vi har i staden for å kaste å kjøpe nytt. Marion var også med på UKM i 2022 på Eide. Sjekk ut IG til Marion: https://www.instagram.com/p/DNC1RBksm9a/?utm_source=ig_web_copy_link&igsh=MzRlODBiNWFlZA==
Ta med deg ei t-skjorte, bukse, jakke eller noko anna som du har behov for å fikse. Eller ta med deg tøy/stoff som du vil redesigne!! Workshopen er på tekstilromet på Hareid ungdomsskule.

• søndag kl. 09:30 – 12:00

• søndag kl. 14:30 – 17:00

Gaming med Metizport 🎮

Metizport tar over gamingromet på Hareid. Her kan du møte opp og for eksempel bli med på turnering i Mario Kart eller Supersmash, eller berre henge å spele andre spel som du likar / vil teste ut.
Workshopen er i gamingromet til Hareid ungdomsklubb (kjellaren på rådhuset).

• søndag kl. 09:30 – 12:00

• søndag kl. 14:30 – 17:00

💃Danseworkshop med Thanura og Jetmund🕺

Thanura og Jetmund er UKM-arar, som no går danselinja på Ålesund VGS. Dei har vore med på UKM i fleire år, og har ein ekte lidenskap for dans. Derfor håper dei at fleire vil bli med på danseworkshopen. Dei byr på eigenkoreografert dans. Meir informasjon kjem.
Workshopen er i gymsalen på Hareid barneskule, men oppmøte i sekretariatet på ungdomsskulen.

• søndag kl. 09:30 – 12:00

• søndag kl. 14:30 – 17:00

🎭Drama/teater🎭

Oline Ulstein Bigset skal halde workshop i drama/teater. Meir informasjon kjem.
Workshopen er i eit klasserom på Hareid ungdomsskule.

• søndag kl. 09:30 – 12:00

• søndag kl. 14:30 – 17:00

🪩Workshop med DJ Ursula og Sara Einbu🪩

DJ Ursula skal vere DJ på UKM-festen, som er satt til søndags kveld. For at UKM-festen skal bli den beste UKM-festen nokon gong, treng vi UKM-ungdom som vil bli med å lage eit kult opplegg. Har du lyst til dette? Då kan du melde deg i sekretariatet på UKM. Meir informasjon kjem 🤍